TLOU
Tlou toubi ung ā
tlaipang thimini bangei youbini yrengchabi, yunrilbi katlei. Tlaipangei hou
kounakni lhang hoibi, thimi khat khatdei karbupna tlakra pao-laa murilphananung
yrengchabi klei chutcha knai youkna heiya tlou toubi ung. Tlou ari
tlaipang thimiyei yunril hou heirou hunghoirou.
Tlou ā khnitam
thukni yrengchabi thimi khatle-khat murilphayerlei. Khatni aya yunbini yrengcha
yalei, khatni myebini yrengcha yalei. Myebini yrengcha tlou heinungtlimri
yunbini yrengcha tlouni duini lilkhoi. Ngamri lim limmei yunril tlouni myebini
yrengcha tlou heiya duini msing chunglei.
Tlaipang thimiyei
hou thukyer ā khnapur (nasal) khatni mur / takka (oral) arou thukyerlei. Hou
aya khnapurouwei thukyerko nimanung murrei thukyerko tou muphananung kani
khnapur tipbini hou thukyerthibi mupharou. Kounak heirou hou thuk donguranungri
hou hei khnapurei thuk houme tou mupharou.
Mlei ani tlaipang
thimiyei tlou yunnarou lilkhoini rui urlei. Mlei ani takkarei klei bi kantangra
thirbini tlaipangei hou kounak thukyer manilei. Kani thimikhatdei mlei aya
phangatam thukni khaithut yalei. 1) Mlei sur (tip), 2) Mlei bāp (blade), 3)
Maibang mlei (front), 4) Mlei hil (back), le 5) Mlei yrung (root). Mleini
maibang-haa (front teeth) thirbi thukyer hou heiya kani dental toubi
ung.
Thimiyei mur/takka
marchipnaroukhi hou lhai lhai thukyer manilei Murchi khnitam karchipbi thukyer
hou (p, b), murchi phothutbi thukyer hou (o, u), kalhonni murchini haale
karthengrilbi thukyer hou (f, v) arap aya muphalei. Murchi khnitam karchipbi
thukyer hou heiya kani bilabial toubi ung. Murchini haale
karthengbi thukyer hou heiya kani labiodental toubi ung.
MARINGA
TLOU: Maringa tlou ari agglutinative kalhonni monosyllabic
tloume. Heingamni Affixrapni tlou awei lil urlei. Maringa tlou ari Sino-Tibetan
tlourapbei tlakrei klei Southern Naga tlouwei rilra yaolei. Tlou awei grammatical category
khminni munanung thangei wairaprou kartāmthutlei.
Genetic Tree: Maring Naga:-
Sino-Tibetan
(tlakra)
Tibeto-Burman
(tlakra)
Naga-Kuki-Meitei
(tlakra)
Southern
Naga
(tlakra)
Maring
Naga
Churnanung Lhou:
Q1. Tlou tou ari kouya ungo?
Q2. Myebini yrengcha tlounungtlimri
yunbini yrengcha tlouni dui lilkhoi
koungammeiyo?
Q3. Thimiyei mlei kounak chungni
khaithutleiyo? Heiyei minlhang myelak.
Q4. Bilabial, Labiodental heitoubi Dental kouya ungo?
No comments:
Post a Comment
Note: Only a member of this blog may post a comment.