Wai 11: MOOD

Wai 11: MOOD

Verb khatdei lhou hei kounakshi wongra churthut nimanung ningcha tou heiya mood toubi ung. Mood ayei lim khyumtam leilei.

I.                    Indicative Mood.

II.                  Imperative Mood.

III.               Subjunctive Mood.

I. Indicative Mood: Kanre kandang kchim tlou, kngai tlou, heisi hoiyanung toubi ningchabi phungthut tlou heiya indicative mood toubi ung.

                Temui tlainiser school kalei.

                Kanung ochani Maringa grammar shunmtupilei.

                Aiyei hutmye kathi lhangailei.

                Neiyei shonpai rapha mulako?

                Nung rowanung kei kourakhi chamakrou.

II. Imperative Mood: Lhou hei churlak toubi watyil, lhou hei churpilo toubi shuncha anakshiya imperative mood toubi ung.

                (Bi) arou loungāklak.

                (Bi) ara hunga.

                Neiyei lailik che-tho phlitamrou yuklātlak.

                Mothil aya duinanung kalni lāknalak.

                Kaya kringpilaklo.

III. Subjunctive Mood: Lhou hoimakkanungkhi hoinakwongra kyun tlou heiya subjunctive mood toubi ung.

Aiyei hnunakshini keiya watyillei. (aiyei hnuri nimak).

Tul mongmlipnakshini ani kanwaichalei. (Tul mongmlipri nimak)

Bammai khatrou tuythräi lapa phanga phanga duibāngrou.

Tāntee lounanung yullaiyei khullāknung tlou khāngbāngurou.

Keini nangnakshi hoiyanung lhou hei kou´lum churlarou.

Churnung lhou:

Q1.          Mood kouya ungo? Aiyei lim kounak chungni leilei? Minlhangbi

myelak.

Q2.          Indicative mood kouwo?

Q3.          Imperative mood kouwo?

Q4.          Subjunctive mood kouwo?

Q5.          Dākrei pi sentencerap kounakshi mood hoirou myethutlak:

(a). Keini Minister hoiyanungri Maringayei radio programme suimakni lātlarou

(b). Chief Secretary hoinanung lailik kalni marnolak.

(c). Tikkatnara kābi yukthisundalanung beimak yāmnalei.

(d). Dunpuni neiya kalhonpi hoiyaso.

(e). Hei napawari beimak pheikoleime.

(f). Kouputdo, beimak naknakleime.