Wai 5.8: COMPARISON OF ADVERBS

Wai 5.8: COMPARISON OF ADVERBS

Dākrei pi sentencerap thibini adverb “chou” ayei ngamrou kartāmase:

(1).          Angkhulri thimi chou (chou thimime).

(2).          Angkhulnungtlimri Koshelni choudui.

(3).          Modunni namyerouwei chouduichi.

Sentence 1 rou adverb “chou” ani Angkhullei chou heiyei ngamroutom myelei. Touri, Angkhul ā chou thimime tou heiyatom kyengni mutlei. Aya kani positive degree toubi ung.

Sentence 2 rou adverb “choudui” ani Koshellei chou heini Angkhullei chou heiya duilei tou myelei. Touri, Koshel le Angkhullei tlakra Koshelni duini choulei tou heiya maryillei. Aya kani comparative degree toubi ung. Napung khni tlakra dui heiya mutlei.

Sentence 3 rou adverb “chouduichi” ani thimi namyerouwei Modunni duini chouchi tou myelei. Napung khnirou duiyei kleina hangra chouduichi heiya mutlei. Aya kani superlative degree toubi ung.

Hannuikhi kanre-kandangnanung dākrei pi aya markhebi thithowase:

Positive	Comparative	Superlative
Khyāng	Khyāngdui	Khyāngduichi
Mantrang	Mantrangdui	Mantrangduichi
Khrang	Khrangdui	Khrangduichi
Kyāng	Kyāngdui	Kyāngduichi
Khei	Kheidui	Kheiduichi
Manma	Manmadui	Manmaduichi
Lhangai	Lhangaidui	Lhangaiduichi
Kchim	Chimdui	Chimduichi
Tang	Tangdui	Tangduichi
Lha (hokār lamlha)	Lhadui	Lhaduichi
Karsik	Karsikdui	Karsikduichi
Chung	Chungdui	Chungduichi
Khngou	Ngoudui	Ngouduichi
Khmong	Mongdui	Mongduichi
Mrao	Mraodui	Mraoduichi

Churnung lhou:

Q1.          Positive degree kouya ungo?

Q2.          Comparative degree kouya ungo?

Q3.          Superlative degree kouya ungo?