Wai 5.4: THE NOUN: NUMBER

Wai 5.4: THE NOUN: NUMBER

Number ā lim khnitam thukni khaithutlei.

I.                    Singular number (khatchatom mu´kril)

II.                  Plural number (khatrouwei dui mu´kril)

I:Singular number: Khatchatomya mu´kna noun nimanung pronoun heiya singular number toubi ung.

                Napawa, hal, heeng, wa, lailik, hnu, mou.

II.Plural number: Khatrouwei dui noun nimanung pronoun heiya plural number ung.

                Napawarap, halrul, heengyao, warul, lailikrap, hnurap, mourap.

NUMERALS:

Msing mu´kyer tloulhang heiya numerals toubi ung. Aya kani Cardinal khatni Ordinal toubi khaithutlei.

Cardinal: Cardinal ani nounnei hilratom khourou. Ani Maringayei msing sherthina tloura yrengcharou. Chip, chipni (samni), chipthum (samthum) arou “le” ni maryombi khat, khni, khyum anakshi lhākrou.

Hutlha:

chip+le+khat                                        = chiplekhat

chip+le+khni                                         = chiplekhni

chip+khni+le+khyum                         = chipnilekhyum (samnilekhyum)

chip+khyum(k´thum)+le+phli= chipthumlephli (samthumlephli)

chip+phli+le+phanga                          = chiplilephanga (samlilephanga)

chip+phanga+le+thruk       = chipngalethruk (samngalethruk)

chip+thruk+le+enni                             = chiprukle´enni (samrukle´enni)

chip+enni (t´ret)+le+t´chot = chipretle t´chot (samretle t´chot)

chip+t´chot (t´ri)+le+t´ko    = chipsrile t´ko (samsrile t´ko)

chip+t´ko+le+khat                               = chipkolekhat (samkolekhat)

Macha, Lishing, Lakh, Koti

Douwa khat, lailik khyum, thimi macha anakshiya cardinal numerals toubi ung.

Ordinal: Maringa tloura ordinal arou “lamkri/khat” tlou ā nimakni dei tlourari cardinal heirou “tam lung / lung” tloulhang lhākbi simrou. Ordinal ani nounnei maibangra tangni khourou. Heitoubi adjectiveyei lhoukhi churlei.

Hutlha:

Lamkri, Khnitamlung, khyumtamlung, phlitamlung, phangatamlung, thruktamlung, ennitamlung, chottamlung, t´kotamlung, chiptamlung, chiplekhatlung, samkolung anakshi ari.

Lamkri douwa, khnitamlung lailik, Macha-lung thimi, machalekhat-lung thimi, machalephli lung thimi anakshi ari.

Ordinalrap nounnei hilrakhi khourillei:

Hutlha:  Lailik khnitamlung

                                Thimi machalung

Ordinalrapni nounnei maibangra kalhonni hilra leiyeirou nominal suffixrap maryomlhāk kya.

Hutlha:  Lamkri douwani upachilei.

                                Khyumtamlung thimini chouduilei.

                                Thruktamlung napawani maniloula.

Kani atoubikhi myethut yalei:

                                Douwa lamkri ni upachilei.

                                Thimi khyumtamlung ni chouduilei.

                                Napawa thruktamlungni maniloula.

Maringa tloura msing sherthinarou yrengcha myek-lharap heiri asinungri mit-khngou thimiyei yrengcha´kril heiya loulei.

Heirapri:

                0              =              Wānsang               6              =              Thruk

                1              =              Khat                      7              =              Enni

                2              =              Khni                      8              =              T′chot

                3              =              Khyum                  9              =              T′ko

                4              =              Phli                      10             =              Chip

                5              =              Phanga

               

Churnung lhou:

Q1.          Number kouya ungo? Aiyei limrap minlhangbi myelak.

Q2.          Singular number kouwo? Hutlha pilak.

Q3.          Plural number kouwo? Hutlha pilak.