Wai 5.9: THE ADJECTIVE

Wai 5.9: THE ADJECTIVE

Nounle kalhonni yrengcha thimi, ram (bi), ningka (putchei) heiyei ngamrou kyun tloulhang heiya adjective toubi ung.

Dākrei sentencerap pāthiyase.

1.       Tomui ā roushing klei, shingkhei napuiya khat.

2.       Angshil lamdui napawa khat.

3.       Kei Impālra lepcha kakhourise.

4.       Keinung phaibu khyumtam pirilaklo.

                Dourei sentence 1 rou, Tomui ā kounakshi napuiyawo tou muyerlei – heiri roushing klei, shingkhei.

                Sentence 2 rou, Angshil ā kounakshi napawayo tou muyerlei – heiri lamdui.

                Sentence 3 rou, Kei Impālra kheen kounak lhāni kakhourouwo tou muyerlei – heiri lepcha.

                Sentence 4 rou, keinung phaibu msing kounak pinanung kyun tou hei muyerlei – heiri khyumtam.

Kinds of Adjective:

1. Adjectives of Quality (Proper/Descriptive adjective): Ani ningka (putchei), thimiyei wong, thang mutyerlei.

• Impāl ā beimak tang taoram.
• Mephun ukning khying thimi.
• Yrathi thimiri chamu-maimumak.
• Kodar mheikhei, shingkhei napawa.
• Pui-paya thuithini mreknamak.
• Muchakhei napawa heiri rikrai muheimak thimi.

2. Adjectives of Quantity:

• Aiyei sina-lapa yerthleng mangurchiya.
• Nangri ludok yaomak thimi.
• Keini neiyei yekkulra phithei (chakkui) beicha lhāloula.
• Tuytonra yuy thimni leilei.

• Uitrökni thinga khat pumni dulloula (m′dulloula).

Sentencerap arou noun heiyei kounak khyang-khrit heiya muyerlei. Aya adjectives of quantity toubi ung.

3. Adjectives of Number:

• Tlaipang thimi namyer hunghichiyeirou.
• Hut khatdei hutyār phangatam klei.
• Mut′hei trúngra mut′hei khatchakhi heimakkhui.
• Halshangra hal phlitam msuikhoulei.
• Cherni ani chayol-haptawei kluina tlaini.

Sentencerap arou noun heiyei msing kounak phalei, kounak lunglei tou heiya muyerlei. Aya adjectives of number toubi ung.

4. Demonstrative Adjectives: Ani kounakshi ningka (putchei), thimiya yun´kna tou heiya muyerlei.

• Ā heinou ā beimak khyurlei.

• Chorit naimak napuiya hei hulthutdurlaka.

• Kei heinakshi lhouya machin´kna.

• Neicha hei ashinung rākthunglak.

5. Interrogative Adjectives: Ani noun heiyei kou, kounakshi, huwei tou heiya muyerlei.

• Ā lailik ā huweiyo?
• Kani koulāngra chasirouwo?
• Nei shonpai lapa kounak piyeiyo?
• Marimchi lhāngyun kounakshibil tikkatdo?
• Khnara lumlher nabi khemchi, kungoini manshambi nuy nangya kei manei nimako?

Churnung lhou:

Q1.          Adjective kouya ungo? Aiyei limrap myethutlak.

Q2.          Dākrei pi sentencerap kounakshi adjective hoiyo mutlak:

                (a). Ani heinou beimak karāmni chalei.

                (b). Ani beimak malungkhani yunkur.

                (c). Ā hei ari martamthinarou beimak khyurlei.

                (d). Yakhurou Medarni duini choulei.

                (e). Ari keiya duini upa.

                (f). Nāmyerouwei Moshelni duini mantranglei.