Wai 6: THE CONJUNCTION

Wai 6: THE CONJUNCTION

                Tloulhang khatni sentencerap, tlourapya maryomkyer heiya conjunction toubi ung. Conjunctionni sentencerap maryom tomni, dei lhouri toumak. Maringa tloura sentencerap maryomkyer mani tloulhāngrap dākra myethutlei.

                - le                                           - le, kalhonni

                - kalhonni                              - heirou

                - heirouwei                            - heiyei hilrou

                - heiniri                   - heiya

                - touwari                                - heisi hoibinikhi

                - hoiyanungkhi     - khi

                - ngamri                 - ngam heiri

                - heingamni                           - heitoubi …. anakshime.

• Kei beicha lourommeise, heitoubi palthungra loukarngaweise.
• Khnile khyum karbungbi phangatam hoi.
• Kothilranle Angteshang yakhu teinao.
• Khmong louheilak, heitoubi khngou pilak.
• Angrung kalhonni Medar bi arou wakhou.
• Koshel nimanung Moran Khangshimra heiyillak.

Classes of Conjunctions:

1.Co-ordinating Conjunctions:

• Nungthoura wa träichalei, heitoubi tuyhokra thinga chanchalei.
• Modun chāk chalei, heiya Angdunri chamaklei.
• Tedun hoini charouwo nimanung nang hoini charouwo?

               

Dourei sentence arou independent statement khni lunglei, touri thāk mālkna lilkhoi statement khni lunglei. Thāk mālkna statementrap, clauserap bungni maryomkyer tlou aya co-ordinating conjunction toubi ung.

Co-ordinating conjunction ā lim phlitam phalei:

(a) Cumulative (copulative): Tlou khatra maryengei maryom tlou heiya cumulative toubi ung. (Kalhonni, heitom nimakni. ……heikhi, heirou duithakni, heikhi anakshi)

• Kothil le Mothil khullamra chalei.
• Shangdarni keiya chilkhou, heiya keini tek yakhoumak.

(b) Adversative: Statement khniyei khit´kna mut´kyer tlou heiya adversative toubi ung. (Heiya, heiya hoiyanungkhi, heisi hoibinikhi, khatlāngra yunlanung, heiyei lesoni, khatlāngra, heitoubi, leso-lelatni, touwari anakshi)

• Ari lhouchur kanshotme, heiya (ari) tek suitermak.

               

(c) Alternative: Statement khnitam tlakrou khalthut mu´kyer tlou heiya alternative toubi ung. (Khniyei tlakrou khat, nimanung anakshi).

• Yakhu khniyei tlakrou khatri sipai khalrou.
• Tuy tháng nimanung tuy pukphani tlaipang thimiyei lhou hoilei.

(d) Illative: Statement khniyei tlou kluina ngam mu´kyer heiya illative toubi ung. (Heiyei hilthungni, ngam heini, ngamni)

• Glass bai hou hei´myeklei, suimakni khíngbai umbai louyaoneirou.
• Chā ātlum phalane, heini neimsa neimsayei lāngkúi simlakalo.

2. Co-relative Conjunction: Ari sentence heirou tlou kanthrinni, kārbākni leinakshi wongra mutlei. Heirap heiri: --- le --le, --khi –khi, -- khi –le anakshi.

• Keile Modunle Marimchira kuirou chalei.
• Tungchakhi Techakhi yuywa chalei.
• Angthilkhi Modunle chalei.

3.Subordinating Conjunctions: Principal Clause* kalhonni subordinate clause khniya maryomkyer conjunction heiya subordinating conjunction toubi ung. (…Bangyen; …yeinung, kheenrou; hilrou; …maibangra; …ngamni; ….hoinanung;…hoimaknanung;…rouwei;…yanungri;…makanungri; anakshi hoibini;…nakshi hoi;…rouwei…hoinakshini; birou; bikantangrou).

* Subjectle Predicate kyao sentence heiya clause toubi ung.

Classification of subordinating conjunctions:

(a) Time (Kheen):

- Āni salkur hilrou keikhi cheemra kallengkur.

- Keini yenkallengbangyen nang cheem loungāklak.

- Nei pawani mulhākbangnung nei churup kmong donga.

- Ochani class wachangbangnung neiyei home work marshiklak.

(b) Cause(Ngamni):

- Neiyei kneeng heingamni heisi hunghoiniyasu.

- Ā  msa cheemra louleimakna ngamrou ai teiwanang tloubam hei 

   shunkhou.

- Kei knabi leikur ngamni nai omtilnara yaochangmakkura.

- Mansherei klo chamaiput hoibini thimi namyernung

  kantangchangmakkuraso.

               

(c) Purpose (Lhoubam):

- Keiyei kwatsam maknanung ani churtrungpi.

- Tlaipang arou ringnanung kani cha´kmai

- Christmasrou bāngnanung phirul khyer lolhākhoulak.

- Minister murilphananung kanshotmakni kawalo.

(d) Result (Phol):

Anginung ai ho tatmallukloubi angturi ā tek kanwaicha manimaka

Nani heî heengbān kuidikkurna ngamrou heî tek heimakkura.

Annam kyaoni lailik marnomakna ngamrou parkha fail hoiwura.

(e) Condition:

- Maringa wapani katkhúnganung, ningshun kulni kat-allei.

- Napuiya khat trükpilanung napawani cheemkhurnung chuirouda.

- Ochani classra wachangyeinung marnothralni loukanthourouda.

- Nai momoni Impāl kawanung keikhi karou.

(f) Contrast (Khitkna):

               

- Ā karning thimi khat hoiyanungkhi ukningri khying.

- Ā hei lamdui douwa khat hoiyanungkhi ai pui-pawei klahri –

  mupilei.

- Malungshiyei phunkhou parbam aya nangni youkhapibi leemni 

  dongurame.

Churnung lhou:

Q1.          Conjunction kouya ungo? Classes of conjunction myelak.

Q2.          Co-ordinating conjunction kouwo? Aiyei lim phlitam myelak.

Q3.          Subordinating conjunction kouwo? Aiyei limrap myelak