Wai 5.10: WORD POSITION

Wai 5.10: WORD POSITION

                Tlou khat Noun nimanung Pronoun pangra khoubi dei ningka (putchei) nimanung thimile mri leiril mu´kyer heiya word-position (bam) toubi ung.

• Halrul louyaora leilei.

• Moreh lam lhungdourakhi phailairakhi yenrāllei.

• Neiyei kansherpha pārbamri koura leileiyo?

• Nang huwa thiphawo?

• Nang kouya raphawo?

• Nang kouwà kallengrouwo?

Sentencerap arou louyaora, lhungdourakhi, phailairakhi, huwa, pārbamri, kouya, koura anak tloulhangrapbei underline tourap ari noun nimanung pronounrapbei pangra khoulei. Anak aya kani word position toubi Maringa Grammar and Composition arou unglei.

Kinds of word position:

                Maringa tloura word position lilkhoini dākra ashitoubi khaithutlei.

1. Simple word positions:

Doura, dākra, rilra, bùngra, pàngra, hlātnara, waira, pura, kalèra, arei, heirei, ara, heira, lora, pheira, maibangra, hilra, thyoira, thyara, luthakra, hoshunra, ruira, tlakra, hangra, nhākra anakshi.

2. Complex word positions:

Hoiyanungkhi, hoibangyen, karkulmakni, karlheibi, hilthungni, hoimanungkhi, kalhonni, nimakni, heiya duithakni, kyou hoini, ngamrou, ngamni, luilhāknahoini, maibanglāngra, thaklāngra, dāklāngra, rillāngra, pulāngra, alāngra, heilāngra, hillāngra, thyoilāngra, thyalāngra, luthaklāngra, hoshunlāngra, bunghoira, lhunghoira anakshi.

Maringa tloura word positionrap ani dei ningka (putchei), thimiraple mri leikril mutyerlei.

(A). PLACE (BI):                

• Mothilni lam chanrālbi chawura.
• Trükhār maibangra mayunga.
• Keipangra omma.
• Khurra dalhākkura.
• Khumdoura phneiwurlak.
• Nung rameirouwei yenkyou.

(B). TIME (KHEEN):

• Aiyei hungkhou hilrou thukkur lhoubamme.

• Keinungtlimri Moranni wadahāl.

• Pung khyumrou murillase.

• Angkhnuiyei youbini kna tek reímaklei.

• Msatānyai bür chunei ipmakkura.

• Kum chuppani kou lhoukhi churmakni leilei.

• Ningabil ngākthirilak.

(C). REASON OR PURPOSE (NGAM, LHOUBAM):

• Lhoubam anungei yullai uparap omtilroulei.
• Neiyei thillei yuthuknei ngamni angturi lhou luilhākchangmarou.
• Lal-dun thibi hei napawanung shal wadunkur.
• Thrāni seimaknanung toubini lāngbār rilra tuy yumbi phumkhoulei

(D). POSSESSION (NEIYEI, KEIYEI ANAKSHI):

• Bol ā keiyeime.

• Neiyei louhín lepcha urheirise.

• Angturi kaiyei loura yra dawase.

• Naiyei halpui kalhāwi miloura changthungura.

• Neiyei punshel (phi) hei pheisa beicha hoinaweise.

(E). MEASUREMENT (KHRIT KHYANG/CHOU KHNIM):

• Ani keiya inchi khni duini chouduilei.
• Keinung puklouhei tuy hei thoi macharou chiptam pilak.
• Keiyei linglikri chullei heitoubi khongkraoni kanglei.

Churnung lhou:

Q1.          Word position kouwo? Aiyei limrap myethutlak.