Wai 5.5: THE PRONOUN

Wai 5.5: THE PRONOUN

Noun heiyei runghut malleng tlou heiya pronoun toubi ung. Pronoun ā  lilkhoini lim khyumtam thukni khaithutlei.

                (1). Personal pronoun,

                (2). Demonstrative pronoun,

                (3). Interrogative pronoun.

Personal Pronoun: Ari tlaipang thimile mri leirilyeiroutom yrengcharou. Maringa tloura personal pronoun ayei rung khyumtam leilei. Personal pronoun khyumtam ayei singular le plural form duithakrou dual le objective singular formkhi leilei.

Person	Singular	Dual	Plural	Objective singular
First person	Kei	Kārung/ Kāsi/ Kākhu	Ka	Keinung
Second person	Nang	Nārung/ Nāsi/ Nākhu	Na	Neinung
Third person	A	Yārung/ Yāsi/ Yākhu	Ya	Anung

Sentence tha kartāmbi personal pronounrap khminni munanung thiyase:

• Angkhulni kyun “Kei hakchoubi hungrou”.

                Sentence arou first person Angkhulni yunkur heiya runghut hoini “kei” ā yrengcha. Ngamni “kei” ā personal pronoun ungrou.

Demonstrative Pronoun: Ari rootdei hilra tloulhang doplhākbi simrou. Hutlha hoini “Kothil ā / hei Khukarthil lāngra kawura” tou tloulhangrap arou ā, hei, lāngra arap aya demonstrative pronoun toubi ung.

Interrogative Pronoun: Tlou ngaiyeirou yrengcha pronoun heiya interrogative pronoun toubi ung.

                Kou                        =              Kou put?

                Koura                     =              Bi koura?

                Koutoubi               =              Kounakshi wongra?

                Kousibil =              Bi kousibil?

                Kounakbil             =              Kounak chungbil?

                Kounang/Kouwa=               Kounirou?

                Hu                          =              Hu thimi?

                Huwa                     =              Huwa umkur?

                Hunung =              Hunungei?

                Hunang =              Hunang ngaithirou?

                Kounakbuy          =              Msing kounakbuy?

Churnung lhou:

Q1.          Pronoun kouya ungo? Aiyei limrap minlhangbi myethutlak.

Q2.          Personal pronoun kouwo?

Q3.          Demonstrative pronoun kouwo?

Q4.          Interrogative pronoun kouya ungo?

Q5.          Wānna rilra pronoun lhāklak:

                (a). Namyer hungdawura, _________ hungdamakhui.

                (b). Ā tloubam ari nangle ________ hutra klei.

                (c). Modunni kyun, _______ neiya beimak kringpi.

                (d). Nangri ā napawaya ______ toubi ningchawo?